Amdanom Ni

Ein Hanes

Mae Drive yn sefydliad arloesol, di-elw, a sefydlwyd ym 1981 i gefnogi pobl ag anabledd dysgu i symud allan o sefydliadau mawr i dai cyffredin mewn cymunedau lleol fel tenantiaid yn eu cartrefi eu hunain.

Rydym yn darparu cefnogaeth ledled De-ddwyrain Cymru i bobl ag anableddau dysgu, problemau iechyd meddwl, cyflyrau sbectrwm awtistig, anableddau corfforol, anghenion iechyd cymhleth, dementia, a phobl a all herio gwasanaethau.

Rydym yn darparu cefnogaeth i unigolion, sy'n byw'n annibynnol neu'n rhannu cartref, i'w galluogi i gynnal tenantiaethau gyda Landlordiaid Cymdeithasol Cofrestredig.

Rydym yn darparu Gofal Cartref i bobl sydd angen llai o gefnogaeth, naill ai'n byw gyda theuluoedd neu yn eu cartrefi eu hunain. Mae hyn yn cynnwys darpariaeth ar gyfer Seibiannau Byr a gweithgareddau yn ystod y dydd gyda'r nos neu ar benwythnosau.

Mae gennym lety cofrestredig lle rydym yn darparu Gwasanaeth Seibiant ym Mhont-y-clun, a Phrosiect Garddwriaeth hardd sy'n darparu cyfleoedd i unigolion ddysgu garddwriaeth, ac ennill cymwysterau ar sgiliau bywyd a gwaith.

Mae ein unigrywiaeth yn gorwedd yn ein hangerdd dros gyd-gynhyrchu a'n hymrwymiad iddo. Credwn fod ein dull yn codi dyheadau teuluoedd sydd wrth wraidd cynllunio cefnogaeth a datblygu ein Gweledigaeth. Rydym yn ymdrechu i ddod o hyd i ffyrdd creadigol o helpu pobl i fyw'r bywyd maen nhw'n ei ddewis; 'Eich Bywyd Chi, Eich Ffordd Chi'.

Ble rydyn ni'n gweithio

Mae Drive wedi tyfu i weithio mewn partneriaeth â chwe awdurdod lleol; Rhondda Cynon Taf, Pen-y-bont ar Ogwr, Sir Fynwy, a Chastell-nedd Port Talbot.

Datganiad Polisi

Rydym wedi ymrwymo i ddileu pob math o wahaniaethu yn ein busnes, ein gweithgareddau bob dydd a'n trafodaethau gyda'n holl randdeiliaid. Byddwn yn cymryd camau cadarnhaol i ddarparu cyfle cyfartal i bawb, yn y gwasanaethau a ddarparwn ac fel cyflogwr.

Sefydliad lle gall pob gweithiwr ddatblygu i'w potensial llawn a lle na fydd unrhyw berson yn cael ei drin yn llai ffafriol nag unrhyw un arall oherwydd "Nodwedd Warchodedig". Hynny yw:

• hil, lliw, tarddiad ethnig neu genedligrwydd;
• rhyw;
• anabledd meddyliol neu gorfforol;
• crefydd neu gred;
• partneriaeth briodasol neu sifil, statws teuluol neu gyfrifoldebau dros ddibynyddion;
• beichiogrwydd neu famolaeth;
• ailbennu rhywedd;
• cyfeiriadedd rhywiol; neu
• oedran

Mae'r Cyfarwyddwyr a'r uwch reolwyr wedi ymrwymo i gydraddoldeb, amrywiaeth a chynhwysiant a byddant yn arwain trwy esiampl, gan sicrhau bod pob gweithiwr yn deall ac yn cytuno i gydymffurfio â'r polisi.