Gofal Cartref

Mae Drive yn darparu cefnogaeth sesiynol i bobl sy'n byw gyda'u teuluoedd, neu yn eu cartrefi a'u fflatiau eu hunain. Gall hyn fod ychydig oriau'r dydd neu'r wythnos, i helpu gyda beth bynnag sydd ei angen arnoch, er enghraifft gofal personol, meddyginiaeth, cyllidebu, cynllunio prydau bwyd, mynychu gweithgareddau neu fynd i'r banc. Byddwn yn adolygu ac yn cytuno'n rheolaidd gyda chi ar yr amseroedd y byddwch yn cael cefnogaeth i sicrhau eu bod yn diwallu eich anghenion chi ac anghenion eich teulu.

Bydd yr Awdurdod Lleol yn asesu eich anghenion cymorth gyda chi ac yn dweud wrthym beth sydd ei angen arnoch.

Dim byd amdanaf i, hebof fi

Beth bynnag yw eich anghenion cymorth, bydd ein staff yn cymryd amser i ddod i'ch adnabod, beth rydych chi'n ei hoffi a beth nad ydych chi'n ei hoffi, a sut rydych chi eisiau cael cymorth. Gallwn ddarparu addysgu sgiliau a chymorth gweithredol i gynyddu eich hyder a'ch galluoedd o amgylch eich cartref.

Mae cefnogaeth gan Drive wedi'i gwreiddio'n gadarn yn y gymuned. Rydym wedi ymrwymo i wrando'n ofalus ar y bobl rydym yn eu cefnogi, gan geisio darganfod sut mae unigolion eisiau byw, a dod o hyd i ffyrdd creadigol o helpu pobl i fyw'r bywyd maen nhw'n ei ddewis. Yng ngeiriau'r bobl rydym yn eu cefnogi; 'Eich Bywyd Chi, Eich Ffordd Chi'.